山本彩處女碟首日銷量直逼3萬張

rousseau73

日本組合NMB48主將山本彩積極發展歌唱事業，佢噚日終於推出單飛處女大碟《Rainbow》，今次碟內不乏由山本彩親自創作嘅歌曲，更請來音樂界猛人龜田誠治監製，仲有男歌手Suga Shikao同埋GLAY嘅TAKURO等提供歌曲，令山本彩有望成為樂壇小天后。

山本彩昨日喺東京開迷你騷造勢，有2000歌迷到場支持，佢就唱出自己包辦曲詞嘅新歌《雪戀》、《Rainbow Rose》等，展示其睇得又唱得嘅優點，彩姐揚言新碟如果能夠登上Oricon銷量榜冠軍，佢承諾會著住排球褲開騷。彩姐首張專輯《Rainbow》撞正當紅組合嵐有新碟《Are You Happy?》同日上市，觀乎首天單日銷量之走勢，嵐新碟以多逾31萬張銷量領先，而男團超特急新碟《Dramatic Seven》都以35,293張佔據亞軍，《Rainbow》就以29,730張緊隨其後排季軍，雖然首周攞冠軍可謂無望，不過銷量成績已算不俗，相比AKB48主將前田敦子、板野友美同埋高橋南嘅處女碟銷量，彩姐一日銷情已超越其餘三人嘅首周銷量，同於本月推出首張大碟嘅高橋南可算最為慘情，其首張專輯《可以談戀愛嗎？》第一周只賣出9,987張排名銷量榜第9位，兩星期累積銷量僅得萬多張。...

瀏覽完整內容，請先 註冊 或 登入會員